Thursday, January 1, 2009

أضغط هنا--> ميعاد

هذه هى أول أغنية لحنتها
.. كانت مسابقة للأغنية الشبابية على مسرح السلام .. فزت فيها ب جائزة أحسن ملحن
وكانت لجنة التحكيم تتكون من محمد سلطان والاستاذ مدحت عاصم ورتيبة الحفنى
كتب مدحت عاصم بجانب اسمى .. فنان موهوب .. وينصج باستكمال دراسته الموسيقية
هذا لأننى لم أقدم النوتة الموسيقية الواجب تقديمها مع الاغنية .. فلم أكن أكتب نوتة .. وكنت اعلم القليل عن العلامات وغيرها
تذكرت أن محمد عبد الوهاب لم يكن يكتب النوتة .. وغيره سيد درويش .. وقلت فى نفسى أتعلم اذا لزم الأمر .. كما أجرت معى اذاعة الشباب حديثا فى مذيع لمدة ربع ساعة .. كنت أظن أننى هكذا وجدت طريقى الى الشهرة والمجد .. ولم أكن أعلم أن الطريق طويل .. بل أطول من اللازم
تقول كلماتها
من بدرى جيت لميعادى معاك
والوقت مش راضى يعدى
وقلبى هايم بيك فرحان
طاير فى أحلامه الوردى
قعدت حيران استناك
وشوقى بيجيب ويودى
ياهل ترى هاسعد بلقاك
ولا انت ناوى تخون ودى
وفضل اتصور فى خيال
هاتقولى ايه واقول لك ايه
واختار فى احلى كلام ينقال
يسألنى قلبى بتحتار ليه
ده الحب همسة بين قلبين
تكبر وتكبر وتعيش فيه
من امتى كان الحب كلام
مادام عيونك حاسين بيه
الوقت فات وكأنه سنين
وروحى صابرة بتتألم
ونارالشوق بتكوينى
وقلبى لليأس استسلم
رجعت اعتب نفسى واقول
ياريت ياقلبى تتعلم
بصيت لقيته جاى هناك
سابقاه ابتسامته وبتسلم
بقى أن أقول .. هى من غناء خالتى .. وتأليف والدى .. وعزف أخى .. وتلحينى طبعا

12 comments:

قوس قزح said...

الكلمات رائعة
عازف الاورج هايل
الاداء كان مش مظبوط اوى مع اللحن ..كان محتاج تدريب اكتر من كده
صوت الموسيقى اعلى من صوت المغنية..فتاهت الكلمات وسط الموسيقى .. و كان محتاج صوتها يظهر فيه الاحساس اكتر من كده

اللحن مختلف ..واضح ان انت وقتها كنت متأثر بالموسيقى الغربى ..و ده اللى خالى لها طعم مختلف و هنا جماله

تحياتى

Sherif said...

قوس قزح
--------
لا تنسى انها بروفة غير محترفة .. كان الأهم فيها ان نسجل شيئا يمكن تقديمه الى المسابقة .. وبسرعة

فكانت كما هى .. دون ضبط دقيق .. هذا ليس شريط معد للبيع طبعا

المهم .. ايه رأيك فى الصوت نفسه؟

إيمان said...

فشلت فى إنى أسمع الأغنيه .. بس كلماتها جميله أوى
ولايهمك طريق النجاح دايما طويل ربنا يوفقك وأكيد ربنا مخبيلك حاجه أحسن

Sherif said...

ايمان
----
انا آسف جدا .. هادور على طريقة تانية لأن كتير اشتكوا

شرفتينى عموما واشكر لك اهتمامك

norahaty said...

حلوة اوى
لكن زى قوس قزح
ماقالت الصوت محتاج
شوية تدريب لكن فعلا الموسيقى
والكلام مختلف عما نجده فيما حولنا

Sherif said...

norahaty
--------
دائما مجاملة ويأسرنى ذوقك العالى

كانت هذه بروفات .. أكيد تختلف عن شغل المحترفين .. كنت فقط اريد ان اسجل شيئا قبل ان يتبخر من رأسى

تنورينى دائما

كلام وخلاص said...

الاغنية جميلة لحن وكلمات والصوت ناعم وهادى فكرنى وانا باسمعه باغانى التمانينات او كأنى مشغلة اسطوانة فى الفونوغراف انا عارفة ان اكيد فى التمانينات الفونوغراف كان انقرض بس مش عارفة تخيلتها اغنية من التمانينات باسمعها فى فونوغراف وبالمناسبة ده مدح يعنى الاغنية عجبتنى
واغنية يا هادى مقدمتها فكرتني بالحان الرحابنة زى اغنية دوارين بتاعة نجاة
ربنا يوفقك وتقدر تستغل موهبتك كويس زى ما انت عاوز واحسن

اصحى يا مصر : اسلام ديو said...

ازيك يا استاذ شريف
اشكرك على مرورك الجميل بمدونتى الصغيرة
وقولت ابتدى بمدونتك دى
لأنى فى الاصل قبل الكاريكاتير والروايات وووو موزع موسيقى

اهنئك على اختيارك افضل مكان لعرض مواهبك
وهى مدونتك
لأن معدش فى حد بيقدر خالص فى الزمن دا
بس هنا هتعرض افكارك بكل حرية

تحياتى لك وعلى ان نتواصل بإذن الله
واسمحلى احتفظ بلينك المدونة بتاعتك عندى

Sola said...

awel mara agelelak
modawana gamela awy
allah 3aleko o 3ala el song
rabena yebarek fekom

Sherif said...

كلام وخلاص
--------
أن حزين جدا انى تغيب عن هذه المدونة كثيرا
وكان ينبغى ان ارد عليك وقتها

ماعلش .. يكفبنى سعادة أن اعجبك شيئا .. فونوغراف فونوغراف زى بعضه .. لكن كان هذا عصر الاورجات المجهزة شرقى .. وبداية الديجيتال ..

شرفتينى كثيرا ويارب على طول

Sherif said...

عزيزى اسلام
----------
البيت بيتك ومكانك لفنان جميل رسما وتصميما وكل شئ

أن شاء الله نجتمع دائما على اعمال مشتركة كثيرة وهذا من دواعى فرحى وسرورى

أهلا بك فى كل وقت

Sherif said...

عزيزتى سولا
----------
أنتى اللى شرفتينى بذوقك وجمال احساسك

اسعدتينى بمرورك .. ويارب على طول

أسف ان كان ردى متأخر